Siglir tar il cuntegn
Inhalt

Naziunal/Internaziunal HCD batta Ambri 2:1

Suenter la terrada encunter l'EV Zug gudogna il HCD l'emprim gieu da questa stagiun.

Il HCD dat tut per dumagnar Ambri.
Legenda: Il HCD dat tut per dumagnar Ambri. Keystone

L'emprim gol ha Gergory Sciaroni dal HCD sajettà gia en la terza minuta. Pir en la 54avla minuta han lura ils Tessinais egualisà. Dominic Zwerger ha sajettà per Ambri il 1:1.

Ma pauc ditg suenter sajetta Enzo Corvi dal HCD il 2:1. E quest gol è lu era stà il gol da victoria.

Nagina schanza per Ambri

Ambri n'ha gì nagina schanza pli dad egualisar. Per ils tessinais è quai l'emprima terrada en questa stagiun. Il HCD ha pudì festivar sia emprima victoria – suenter la terrada il venderdi encunter l'EV Zug.

RR novitads 23:00