HC Tavau – Cardiff Devils 10:1

Il HCD ha cumenzà la nova stagiun da la Champions Hockey League cun ina clera victoria cunter il campiun britannic.

Plirs hockeyans.

Legenda da maletgs: Robert Kousal fa il 7:0 cunter ils Cardiff Devils. Keystone

Il club da hockey da Tavau ha cumenzà la runda d'eliminaziun da la Champions Hockey League tenor giavisch. Ils Grischuns han declassà ils Cardiff Devils da la Valisa cun 10:1. Tranter la 34avla e la 36avla ha il HCD sajettà trais gols. Il sulet giugader ch'ha fatg dus gols en questa partida è sta il defensur Félicien Du Bois.

Er il SC Berna ha gudagnà a chasa cunter in club britannic, numnadamain cunter ils Nottingham Panthers cun 5:2.

Per ils ZSC Lions ha la nova stagiun percunter cumenzà cun ina terrada. Ils Lions han pers ordaifer cunter Frölunda cun 4:5 suenter prolungaziun. Il club svedais è il defensur dal titel. Ils ultims trais onns han ils Svedais gudagnà duas giadas il titel.

RR novitads 23:00