Siglir tar il cuntegn
Inhalt

Naziunal/Internaziunal Hayman gudogna cursa da velo Paris-Roubaix

Matthew Hayman ha gudagnà la 114avla ediziun dal classicher primavaun Paris-Roubaix. Segund è daventà Tom Boonen da la Belgia e terz l’Englais Ian Stannard.

Mathew Hayman
Legenda: Levgiament tar Hayman suenter ina lunghezza totala da 257,5 kilometers e 27 passaschas a sulada. Keystone

Ina gronda surpraisa en il mund da velo: Mathew Hayman gudogna la cursa classica Paris-Roubaix. L’Australian che ha prest 38 onns da la squadra Orica GreenEdge è sa profilà en il sprint d’ina gruppa da tschintg avant Tom Boonen ed Ian Stannard. Per Haymann èsi lunschora la pli impurtanta victoria da sia carriera.

Ils topfavurits Fabian Cancellara e Peter Sagan ston ir a chasa senz’arbajas. Cancellara è crudà 46 kilometers avant l’arrivada ed era uschia nagin concurrent pli per Hayman. E Sagan, il victur dal tur da la Flandra, ha cuntanschì l’arrivada cun in retard da sur duas minutas.

RR novitads 17:00 / Sportissimo 17:00