Siglir tar il cuntegn
cuntegn

Naziunal/Internaziunal Hamilton va per la «pole» e realisescha record

Hamilton gudogna per la 69avla giada la qualificaziun per in grond premi da furmla 1.

Hamilton che sa legra da la pole position.
Legenda: Hamilton parta a Monza da l'emprima lingia. Keystone

Suenter uras spetgar che la daratga chalia ha Lewis Hamilton gudagnà il qualifying per il Grond Premi da l'Italia a Monza. Il pilot da Mercedes parta uschia da l'emprima retscha e realisescha era gist in nov record. Per Hamilton èsi la 69avla giada ch'el gudogna ina qualificaziun. Puncto «pole position» varga el uschia il campiun mundial da record Michael Schumacher.

Lewis Hamilton gudogna cun in avantatg da varga ina secunda sin ils dus pilots da Red Bull, Max Verstappen e Daniel Ricciardo. Quest duo sto dentant partir pir da posiziun 15 e 18, perquai ch'els han fatg midadas tecnicas vid la tracziun. Uschia profitescha Lance Stroll da Williams Mercedes che po partir da l'emprima retscha a Monza.

Il pilot da Ferrari, Sebastian Vettel, sto sa cuntentar cun l'8avel plaz en il qualifying. Las speranzas da la Scuderia a lur cursa da chasa, da puspè ina giada triumfar a Monza, èn vegnidas franadas (2010 ultima victoria da Ferrari a Monza). Ils pilots da Sauber, Marcus Ericsson e Pascal Wehrlein partan da las posiziuns 12 e 13 per l'ultima cursa da la furmla 1 en Europa.

RR novitads 18:00