Siglir tar il cuntegn
cuntegn

Naziunal/Internaziunal Hamilton emprim – ils dus Saubers trumpeschan

Al Grond Premi da l'Australia survegn Lewis Hamilton la Pole Position. Ils Saubers èn sin las plazzas 17 e 18.

Purtret da Lewis Hamilton durant la cursa.
Legenda: Lewis Hamilton ha gudagnà il qualifying a Melbourne. Keystone

En l'Albert Park a Melbourne ha Lewis Hamilton mess si il meglier temp dal qualifying. Davos el suondan ils dus Ferraris. I resta pia tut tuttina sco l'onn passà tar las cursas da Furmla 1. Kimi Räikkönen suonda sin il segund plaz, cun 66 tschientavels retard. Sin il terz rang suonda Sebastian Vettel, il collega da team da Räikönen.

Hamilton cumenza pia la tschintgavla giada en roda e la setavla giada en tut la cursa davent da la Pole. Ses record da Pole positions ha Hamilton uschia pudì bajegiar ora sin 73. Gudagnà la cursa en l'Australia ha il brit dentant pir duas giadas (2008, 2015).

Crash da Bottas

Per Valtreri Bottas, il collega da team da Hamilton è la chatscha da temp ida a fin cun ina vulvida ed in auto che ha suenter guardà ora correspundent. Il Finlandais n'è per fortuna betg sa blessà. Perquai ch'il mecanissem da l'auto ha stuì vegnir midà ora, perda Bottas 5 plazzas e sto uschia cumenzar la cursa da la plazza 15.

Purtret da l'auto destruì da Valtteri Bottas.
Legenda: Valtteri Bottas ha fatg in accident durant il qualifying e vegn mess 5 plazzas enavos, sin il 15avel. Keystone

Nagin exploit per Sauber

Ils pilots dal nov team da Sauber èn omadus crudads ora suenter l'emprima runda dal qualifying. Marcus Ericsson e charles Leclerc partan da las plazzas 17 e 18.

RR Sportissimo 17:00