Siglir tar il cuntegn

Header

cuntegn

Naziunal/Internaziunal Gut sin podest a Maribor

Tar il slalom gigant da las dunnas a Maribor en la Slovenia ha la Franzosa Tessa Worley gudagnà. Cun ina distanza da 16 tschientavels suonda la Taliana Sofia Goggia, e sco terza sa tschenta Lara Gut sin il podest.

La Franzosa Tessa Worley n’è betg stada da batter. Ella gudogna avant Sofia Goggia da l’Italia e la Svizra Lara Gut. Lezza era suenter l'emprim percurs sin plaz 4, pia gist dasper il podest.

Il podest

  1. Tessa Worley (F) 2:16.96
  2. Sofia Goggia (I) +0.16
  3. Lara Gut (CH) +0.25

L’emprima suenter l’emprim percurs, Mikaela Shiffrin (USA), è ruschnada sin plaz 4. Tschintgavla è vegnida la Tudestga Viktoria Rebensburg. Avant in onn aveva ella gudagnà il slalom gigant en la Slovenia. Tranter las top 20 sa chattan cun Lara Gut en tut quatter Svizras.

Las Svizras

16. Wendy Holdener +2.60

17. Simone Wild +2.84

20. Mélanie Meillard +3.10

25. Rahel Kopp +3.58

Tina Maze dat adia davant public indigen

Igl è definitivamain stà l’ultim percurs da la skiunza slovena Tina Maze. Suenter dar adia a ses pli stretgs enconuschents ha ella puspè cuntinuà il percurs cun in retard da 26 secundas. Ella n’ha però betg finì il percurs: Avant la lingia d’arriv cotschna munta ella ord la liadira e traversa l’arrivada a pe.

RR novitads 11:00 / 14:00

Artitgels legids il pli savens