Golubic stat el quartfinal a Guangzhou

La giugadra da tennis svizra Viktorija Golubic stat en il quartfinal dal turnier da tennis a Guangzhou en la China. Ella ha battì il numer in dal turnier.

La giugadra da tennis Viktorija Golubic.

Legenda da maletgs: Viktorija Golubic cuntanscha en China il quartfinal. Keystone

La giugadra da tennis turitgaisa da 23 onns ha battì il numer in dal turnier a Guangzhou. La Taliana Sara Errani n’ha betg giu schanzas cunter la Svizra ed ha pers en trais sets cun 6:7, 6:3 e 6:4. En il quartfinal frunta Golubic sin la Estona Anett Kontaveit. Cunter lezza ha Golubic fin ussa pers tuttas trais duels directs ch'i ha dà fin ussa.

RR novitads 17:00