Siglir tar il cuntegn
Inhalt

Naziunal/Internaziunal Golubic gudogna a Bienna

Il turnier Ladies Open a Bienna cuntinuescha cun partizipaziun svizra. La Turitgaisa Viktorija Golubic ha gudagnà en l'emprima runda cunter la Tudestga Laura Siegemund cun 6:2, 4:6 e 7:6 (7:3). Igl è stà in dir cumbat per la Svizra da 24 onns.

purtret da la giugadra da tennis svizra Viktorija Golubic
Legenda: Viktorija Golubic ha gudagnà il gieu da l'emprima runda. Keystone

La partida ha mussà in si e giu permanent. Suenter 20 minutas manava Golubic cun dus breaks cun 4:1. Suenter in'ura era la Svizra en avantatg cun 6:2, 3:2 e cun 40:15 tar l'agen service. Pli tard manava ella anc ina giada cun break en il segund set cun 4:3. Lura ha dentant la Tudestga mussà sias qualitads. Siegemund ha gudagnà il segund set e manava en il terz cun 3:0. Golubic ha dentant mussà qualitads da cumbatter e la finala anc realisà la victoria suenter duas uras e 40 minutas.

En l'otgavel final frunta Golubic sin la qualificanta Alexandra Sasnowitsch da la Bielorussia.

RR novitads 06:00