Siglir tar il cuntegn

Naziunal/Internaziunal Goli naziunal tschec per Cuira Unihockey

Cuira Unihockey ha chattà in goli da vaglia sco successur da l'anteriur goli naziunal svizzer Curdin Furrer. Il goli naziunal da la Tschechia David Rytych mida tar il club grischun da la liga naziunala A.

David Rytych
Legenda: David Rytych il nov goli da Cuira Unihockey MAD/churunihockey.ch

Suenter che l’anteriur goli naziunal svizzer Curdin Furrer ha terminà sia carriera, ha Cuira engaschà sco successur il goli naziunal da la Tschechia David Rytych. Il goli da 31 onns ha dà las ultimas quatter stagiuns en sia patria cun Florbal Mladá Boleslav. La stagiun passada ha el manà ses club al titel da campiun tschec.

Grond success sco goli naziunal

David Rytych ha gia dà 78 gieus cun l'equipa naziunala tscheca ed ha dà quatter giadas a campiunadis mundials. L'onn 2010 ha el gudagnà cun la Tschechia la medaglia da bronz. In onn pli tard ha el festivà in ulteriur grond success sin livel internaziunal. Lura ha Rytych gudagnà cun SSV Helsinki il Champions Cup dad unihockey.

RR novitads 10.00