Naziunal/Internaziunal - Giulia Steingruber è la tschintg meglra gimnasta dal mund
Giulia Steingruber ha manchentà a Glasgow sia emprima medaglia da campiunadis mundials. La Svizra n’ha betg pudì defender en il final da la concurrenza multidisciplinara ses segund plaz da la qualificaziun suenter ch’ella è crudada giu dal trav d’equiliber.
Giulia Steingruber, campiunessa d'Europa en questa disciplina, è vegnida cun 57,333 puncts la fin finala 5avla. Quai ch’è il meglier resultat d’ina Svizra en l’istorgia tar questa concurrenza multidisciplinara.
Gudagnà han las americanas Simone Biles e Gabrielle Douglas avant Larisa Iordache da la Rumenia.
