Questa stagiun vegn ad esser la davosa stagiun ch'il CC Flem enturn il skip Binia Feltscher gioga en questa constellaziun. Cun la fin da la stagiun va er la carriera da Franziska Kaufmann a fin ed il viceskip Irene Schori banduna l'equipa per fundar ina nova crew sco skip.
Damai resta dasper il skip mo Carole Howald en il CC Flem. Tgi che vegn a sustegnair ellas en las proximas stagiuns è anc avert. Ins veglia cuntinuar cun giugadras giuvnas u perfin fitg giuvnas, ha il skip ditg. Ella veglia dar enavant insatge ad ellas e bajegiar si ellas.
Success e trumpadas
Las giugadras da Flem han gudagnà il 2014 ed il 2016 dus titels dal campiunadi mundial - ed in titel europeic. La stagiun actuala ha dentant purtà pliras trumpadas. Uschia han ellas manchentà da sa qualifitgar per ils gieus olimpics. Ed al campiunadi mundial èn ellas mo daventadas 8avlas.
RR novitads 15:00