Gino Caviezel 8avel a Naeba

Resultats surprendents hai dà tar l'emprima da duas cursas da la cuppa mundial ada skis a Naeba en il Giapun. Pinturault avant Faivre e Blardone. Gino Caviezel è 8avel.

gino caviezel en acziun

Legenda da maletgs: Il grischun Gino Caviezel sin via al 8avel plaz al slalom gigant da la cuppa mundiala FIS a Naeba. Keystone

Per ils franzos èsi l'emprima victoria dubla en il slalom gigant dapi 45 onns. Alexis Pinturault ha gudagnà avant ses cumpatriot Mathieu Faivre. Terz è vegnì il Talian Massimiliano Blardone.

«  Passaschas lomas midavan cun passaschas diras, la pista era malruassaivla. I geva per tegnair uschè bassa sco pussaivel la quota da sbagls. »

Gino Caviezel
Skiunz svizzer

Il skiunz grischun Gino Caviezel è vegnì 8avel. Segund meglier Svizzer è Justin Murisier sin plazza 11. Per omadus è quai il meglier resultat persunal en il slalom gigant.

La stagiun dal dubel e tripel Franzos

Dapi 45 onns betg pli victoria dubla franzosa en slalom gigant: Alexis Pinturault (amez), Mathieu Faivre (san.) ed il talian Massimiliano Blardone.

Legenda da maletgs: Dapi 45 onns betg pli victoria dubla franzosa en slalom gigant: Alexis Pinturault (amez), Mathieu Faivre (san.) ed il... Keystone

La fin da december avevan Adrien Théaux e David Poisson fatg ils rangs 1 e 3 en la cursa rapida a Santa Caterina. En la cumbinaziun da Kitzbühel eran Alexis Pinturault, Victor Muffat-Jeandet e Thomas Mermillod Blondin fatg l'emprima victoria tripla franzosa dapi 46 onns.

RR novitads 06:00