Siglir tar il cuntegn
Inhalt

Naziunal/Internaziunal Gino Caviezel: 2 giadas campiun svizzer

Be in di suenter la victoria en il Super-G ha Gino Caviezel er gudagnà la medaglia d'aur en il slalom gigant.

Gino Caviezel en acziun durant il slalom gigant a Tavau nua ch'el ha gudagnà il segund titel da campiun svizzer.
Legenda: Gino Caviezel en acziun durant il slalom gigant a Tavau nua ch'el ha gudagnà il segund titel da campiun svizzer. Keystone

Gino Caviezel è daventà emprim cun in avantatg da 19 tschientavels avant il Vallesan Justin Murisier. Sin plazza trais è in ulteriur Vallesan, numnadamain Loïc Meillard cun 26 tschientavels retard sin Caviezel. Meillard aveva gia gudagnà la medaglia da bronz en la cumbinaziun dal venderdi.

Grischuns sin il podest dal Super-G

Gino Caviezel è per l’emprima giada campiun svizzer. Cun gudagnar la cursa a Tavau è el daventà campiun svizzer da Super-G. Segund è vegnì anc in Grischun: Stefan Rogentin.

Argent al campiunadi svizzer gudogna in segund Grischun: Stefan Rogentin. Bronz è ì a Gilles Roulin.

Tar las dunnas argient grischun cun Jasmine Flury

Tar las dunnas ha Corinne Suter gudagnà il titel da campiunessa svizra en il Super-G. Quai suenter ch’ella aveva gievgia gia gudagnà quel en la cursa rapida.

Segunda è vegnida la Grischuna Jasmine Flury e terza Mélanie Meillard.

RR novitads 14:00