I n’ha stgars betg tanschì per in plaz da podest per las gimnastas svizras. A Berna han ellas cuntanschì il quart plazs als campiunadis europeics. Giulia Steingruber, Ilaria Käslin, Caterina Barloggio, Stefanie Siegenthaler e Thea Brogli han totalmain fatg 165,721 puncts al final da squadra.
Il podest
Las Russas èn idas per la medaglia d’aur. Ellas han mussà ina cumpetiziun bunamain senza sbagls. Uschia han ellas puspè gudagnà ina concurrenza dapi il 2010. Ellas era lunsch davant las Englaisas ch’avevan gudagnà la qualificaziun. Durant il final han las gimnastas da la Gronda Britannia dentant stuì supportar intginas crudadas. La medaglia da bronz han las Franzosas pudì tschiffar. Cumpareglià cun la qualificaziun èn ellas stadas per bun tschintg e mez puncts meglras. La fin aveva la Frantscha 2,8 punts dapli che la Svizra.
RR novitads 20:00