La giuvna Vallesana Lena Volken gudogna argient en il slalom a Les Diablerets. La giuvna da 17 onns era suenter l'emprim percurs anc a la testa dal classament, ha dentant pers en il segund percurs temp sin la Svedaisa Emma Sahlin.
A la fin è sa resultà in retard da 18 tschientavels sin la victura. Amelié Klopfenstein, ch'ha gia gudagnà trais medaglias per la Svizra, è crudada or en il segund percurs.
Er ils giuvens dastgan festivar argient
Er tar ils giuvens ha in Vallesan procurà per furora. Luc Roduit, ch'aveva gia gudagnà bronz en il slalom gigant, è vegnì segund. Quai malgrà ch'il giuven da 17 onns era suenter l'emprim percurs anc sin posiziun quatter.
Gudagnà la cursa ha il Svedais Adam Hofstedt. Sandro Zurbrügg (ier segund en il slalom gigant) è vegnì 14avel.
RTR novitads 16:00