Gianluca Cologna manchenta il Tour de Ski

Il spezialist da sprint e frar pitschen da Dario Cologna e crudà en il trenament e sa blessà a la spatla. Sche ina operaziun vegn necessaria alura duai quella vegnir spustada sin suenter la stagiun.

Gianluca Cologna

Legenda da maletgs: Gianluca Cologna sto uss sa schanegiar il mument. Keystone

Ina controlla dad MRI en l'ospital a Tavau ha mussà ch'il frar giuven da Dario Cologna ha ina contusiun vid in oss dal bratsch sura sco era in stgarp vid la «Knorpellippe». Tenor il medi Patrik Noack vegn ussa fatg tut il pussibel che Gianluca Cologna possia turnar enavos en trais fin quatter emnas. Sch'i dovria in'operaziun vegnia quella sche pussibel spustada sin la primavaira.

Il Tour de Ski cumenza venderdi, da Bumaun l’emprim da schaner, a Lantsch. L'emprima etappa è gist in sprint, quai che fiss stà la disciplina da parada da Gianluca Cologna.

RR novitads 16:00