Gian-Marco Crameri n'è betg pli trenader da l'equipa naziunala

Daniela Diaz succeda a l'anteriur attatgader dal HCD.

Gian-Marco Crameri na tranescha betg pli l'equipa naziunala da las dunnas.

Legenda da maletgs: Gian-Marco Crameri na tranescha betg pli l'equipa naziunala da las dunnas. Keystone

Gian Marco Crameri n'è betg pli trenader da l'equipa naziunala da las dunnas dal hockey sin glatsch. Tenor ina communicaziun da la Federaziun Swiss Ice Hockey na saja betg grategià a Crameri da purtar vinavant avunda l'equipa da las dunnas svizras.

Successura da Crameri vegn l'anteriura giugadra da l'equipa naziunala Daniela Diaz. Suenter France Montour e Diane Michaud è ella la terza dunna a la testa da l'equipa naziunala.

Il campiunadi mundial è dals 28 da mars fin ils 04 d'avrigl a Kamloops en il Canada. Quel vala era sco qualificaziun per ils gieus olimpics 2018 en la Corea dal Sid.

RR novitads 06:00