Siglir tar il cuntegn

Header

cuntegn

Naziunal/Internaziunal Germania betg qualifitgada per otgavelfinals

Vinavant en la gruppa F èn la Svezia ed il Mexico.

La Germania è crudada ora dal campiunadi mundial da ballape en la Russia. Cunter ils Sidcoreans han ils Tudestgs pers cun 0:2 ed èn uschia davos da la gruppa. Igl è l'emprima giada insumma che la Germania sto turnar a chasa gia suenter la fasa da gruppa da campiunadis mundials da ballape.

En la 93avla minuta ha Younggwon Kim fatg l'emprim gol per la Corea dal Sid e destruì tut las speranzas dals Tudestgs. Pauc suenter ha Heungmin Son tratg il segund gol per ils Sidcoreans.

Svezia gudogna 3:0 cunter Mexico

En il gieu dad oz suentermezdi ha la Svezia battì il Mexico cun 3:0 ed è emprim da la gruppa. Segund da la gruppa è il Mexico – omadus cun 6 puncts. Ils gols per la Svezia han tratg: en la 50avla minuta Ludwig Augustinsson, en la 62avla minuta Andreas Granqvist ed en la 74avla minuta Edson Alvarez da Mexico cun in autogol.

Giugaders svedais che sa legran.
Legenda: La Svezia daventa emprim da la gruppa. Keystone

RR novitads 18:00

Artitgels legids il pli savens