Siglir tar il cuntegn
Inhalt

Naziunal/Internaziunal Genoni mida tar l'SCB

Il club da hockey da Tavau perda ina pitga impurtanta. Suenter 9 stagiuns e 442 gieus en il dress dal campiun svizzer da record, mida il goli Leonardo Genoni sin la proxima stagiun tar l'SC Berna.

Leonardo Genoni
Legenda: Leonardo Genoni ha survegnì ils 16 da settember 2015 l'award sco il meglier goli da l'onn. Keystone

El remplazza uschia Marco Bührer cun il qual ils Bernais n'han betg pli prolugà il contract. L'SCB oblighescha Genoni per 3 onns.

Ils 16 da settember 2015 è Genoni vegnì onurà sco meglier goli da l'onn da Swiss Ice Hockey. Il Turitgais che ha 28 onns è vegnì cun il HCD 3 giadas campiun (2009, 2011 e 2015). Durant ils gieus da playoff ha le cuntanschì ina quota da defensiun da sur 94%.

Per l'equipa naziunala svizra ha Genoni giugà 52 giadas ed è sa participà a trais campiunadis mundials.

RR novitads 12:00