Siglir tar il cuntegn
Inhalt

Naziunal/Internaziunal Gea impurtant per la candidatura «Sion 2026»

Il parlament da sport ha dà sia benedicziun a «Sion 2026». Uschia resta il siemi da gieus olimpics d'enviern en la Svizra.

bandiera da Swiss Olympic
Legenda: Swiss Olympic sustegna la candidatura da «Sion 2026» cun 8 milliuns francs. Keystone

La candidatura svizra per pudair organisar en 9 onns gieus olimpics d'enviern è in pass decisiv enavant. Il parlament da sport sustegn unanimamain la candidatura da Sion. Ils delegads da 36 federaziuns olimpicas commembras èn suandads al cussegl executiv da Swiss Olympic. Ils represchentants han er approvà che Swiss Olympiccontribuescha 8 milliuns francs a la candidatura.

Ils proxims pass:

  • Matg 2018: il Cussegl federal preschenta sia dumonda per surpigliar ils custs da segirtad. I vegn spetgà ch'el preschenta al parlament a Berna in budget limità.
  • Tranter las decisiuns dal Cussegl dals chantuns e dal Cussegl naziunal datti probabel en il Vallais ina votaziun dal pievel. Per ils auters chantuns associads (Berna, Friburg e Vad) n'è betg previs ch'i dat votaziuns.
  • Il Comité olimpic internaziunal surdat ils gieus d'enviern il 2019. Probabels adversaris èn: Stockholm, Innsbruck, Lillehammer, Calgary, Almaty (Casachstan), Sapporo, Erzurum (Tirchia).

RR novitads 06:00