Siglir tar il cuntegn
cuntegn

Naziunal/Internaziunal Gasparin setavla grazia a sia buna prestaziun da tir

La biatleta Selina Gasparin realisescha ses meglier resultat da la stagiun. Ad Oberhof en Germania sur ils 12,5 kilometers cun partenza da massa vegn l'Engiadinaisa da 32 onns settavla.

Selina Gasparin.
Legenda: Selina Gasparin. SRF

La biatleta Selina Gasparin realisescha ses meglier resultat da la stagiun. Ad Oberhof en Germania sur ils 12,5 kilometers cun partenza da massa vegn l'Engiadinaisa da 32 onns settavla.

Dals total 20 sajets ha Selina Gasparin be sbaglià ina giada. La cursa gudogna Gabriela Koukalova da la Tschechia. Lena Häcki, l'autra biatleta svizra, vegn 22avla.

Weger per terza giada en top 10

Tar ils umens realisescha Benjamin Weger ses terz plaz en ils top 10 en questa stagiun en la cuppa mundiala da biatlon. Sur ils 15 kilometers cun partenza da massa vegn il Vallesan 10avel. Weger ha fatg be in sbagl cun sajettar.

Gievgia era Benjamin Weger vegnì 9avel en il sprint, la sonda 11avel en la persecuziun e la dumengia 10avel. Gudagnà ha il biatlet tudestg Simon Schempp avon ses cunpatriot Erik Lesser ed il Franzos Martin Fourcade.

RR novitads 16:00