Garbiñe Muguruza gudogna French Open

Il tennis da dunnas ha ina nova victura da Grand Slam: La Spagnola Garbiñe Muguruza (22) ha duvrà ses 5avel matchball a moda optimala ed uschia battì Serena Williams cun 7:5 e 6:4. Igl è ses emprim titel da Grand Slam.

La giugadra da tennis Garbiñe Muguruza.

Legenda da maletgs: Victoriusa e plain legria: Garbiñe Muguruza va per ses emprim titel da Grand Slam da sia carriera. Keystone

L’emprim titel da Grand Slam – quai po festivar la giugadra da tennis spagnola Garbiñe Muguruza. La quartmeglra giugadra dal mund ha gudagnà il final a Paris cunter la defensura da titel Serena Williams cun 7:5 e 6:4.

A medem temp è il gieu da la sonda stà ina revantscha per la terrada da l’onn passà a Wimbledon. La victura da 22 onns è l’emprima victura spagnola a Paris dapi Arantxa Sanchez-Vicario l’onn 1998.

Serena Williams ha manchentà ses quart triumf e sco gia als Australian Open il 22 titel da Grand Slam. Ella avess uschia battì il record da profi da Steffi Graf.

RR novitads 18:00