Siglir tar il cuntegn
cuntegn

Naziunal/Internaziunal Galmarini l'emprima giada sisum il podest dal cup mundial

Nevin Galmarini ha gudagnà il slalom gigant parallel dal cup mundial a Rogla en la Slovenia.

nevin galmarini en cursa en la storta
Legenda: Il 2014 era Nevin Galmarini vegnì a chasa cun argent olimpic da Sotschi. Reuters

Il svizzer Nevin Galmarini ha gudagnà il slalom gigant parallel a Rogla en la Slovenia. Per il Grischun da 30 onns è quai l'emprima victoria en il cup mundial. En il final ha Galmarini battì il bulgar Radoslav Yankov per 12 tschientavels.

Galmarini era vegnì segund als gieus olimpics 2014 a Sotschi en la disciplina dal snowbard alpin, ed è fin ussa stà quatter giadas sin il podest al cump mundial. Ussa l'emprima giada sissum il podest.

Tar las dunnas èn bain 3 sa qualifitgadas per la fasa da k.o. Patrizia Kummer, Julie Zogg e Ladina Jenny n'èn però betg vegnidas pli lunsch ch'ils 8avels finals. Gudagnà ha tar las dunnas la Tscheca Ester Ledecka.

RR novitads 15:00