Naziunal/Internaziunal - Furmla 1 – Rosberg gudogna a Suzuka
Per l’emprima giada en sia carriera gudogna Nico Rosberg il Grond premi dal Giapun. Uschia riva el sco emprim en la coppa mundiala dad augmentar l’avantatg sin il segund, il defensur dal titel e collega da squadra Lewis Hamilton.
Legenda:
Per l’emprima giada en sia carriera gudogna Nico Rosberg il Grond premi dal Giapun.
Keystone
2 / 5
Legenda:
Nico Rosberg fa ina cursa senza sbagls.
Keystone
3 / 5
Legenda:
Mercedes gudogna il classament da constructurs.
Keystone
4 / 5
Legenda:
Rosberg ha savì nizzegiar la nauscha partenza da ses collega da squadra Hamilton.
Keystone
5 / 5
Legenda:
Nico Rosberg suenter sia victoria a Suzuka.
Keystone
Il pilot da Mercedes tudestg Rosberg ha nizzegià la pole-position e gudogna per la novavla giada questa stagiun. Suenter ina noscha partenza da ses collega da squadra Lewis Hamilton n'era nagin pli bun da frenar a Rosberg. Quel ha fatg ina cursa senza sbagls.
Legenda:
Keystone
Igl è insatge tut spezial sin quest traject legendar. Ina victoria grondiusa. Uss festegiain nus en urden.
Cun la victoria en il Giapun ha el pudì augmentar ses avantatg en il classament general e maina ussa cun 33 puncts avant Hamilton.
Lewis Hamilton ha finì la cursa sin plazza 3 - davos Max Verstappen sin Red Bull-Renault. Ils dus pilots da Sauber n'han in'ulteriura giada fatg nagins puncts - Marcus Ericsson arriva sin plazza 15 e Felipe Nasr daventa 19avel.
Cun il resultat da Rosberg gudogna il team da Mercedes gia uss il titel da champiun mundial en il classament da constructurs.
