Siglir tar il cuntegn

Header

Navigaziun

cuntegn

Naziunal/Internaziunal Frölunda Göteborg gudogna Champions Hockey League

Il club svedais Frölunda Göteborg decida il final da la Champions Hockey League cunter il club finlandais Kärpät Oulu cun 2:1. Frölunda aveva eliminà en ils mezfinals il campiun svizzer il HCD.

Suenter 18 minutas manava Frölunda gia cun 2:0, tras gols da Ryan Lasch e Spencer Abbott en mo 83 secundas. Ils Finlandais han anc pudì scursanir en la 47avla minuta tras Juho Keranen, il 2:1 è dentant stà il resultat final.

Il MVP da la CHL

L’elecziun sco giugader il pli custaivel da la Champions Hockey League ha gudagnà l’attatgader american Ryan Lasch. En la selecziun pli stretga è era stà il giugader da Tavau Andres Ambühl.

Puspè 6 equipas svizras la proxima CHL

La proxima Champions Hockey League cumenza l’avust che vegn, quai cun 6 equipas svizras. Plazs fixs han Berna, Friburg-Gottéron, Zug ed ils ZSC Lions. Ultra da quai sa qualifitgeschan ils dus clubs cun il pli grond success en il campiunadi, l’emprim criteri èn ils playoffs ed il segund la qualificaziun.

RR Novitads 20:00