Gerd Zenhäusern che maina l'equipa dapi l'october 2014 renunzia ses post tar Friburg-Gottéron ord motivs privats. El saja da curt vegnì per la segunda giada bab. Tar Friburg daventia el ussa trenader da la generaziun giuvna.
Successur dil vallesan duai Larry Huras daventar. Huras è gia stà trais giadas campiun svizzer, quai cun ils ZSC Lions, cun Lugano e cun Berna. Quai tenor il «Blick».
Uffizialmain vul Gotteron dentant pir preschentar ses nov trenader glindesdi proxim.