Siglir tar il cuntegn

Header

Navigaziun

Rafael Nadal che sa legra.
Legenda: Cun la 12avla victoria al French Open ha Rafael Nadal uss 18 titels da grand-slam. Keystone
cuntegn

French Open Rafael Nadal gudogna per la 12avla giada

Cunter l'Austriac Dominic Thiem ha il Spagnol da 32 onns gudagnà il final dal French Open a Paris en quatter sets cun 6:3, 5:7, 6:1 e 6:1.

En ils emprims dus sets han Nadal e Thiem mussà tennis sin il pli aut livel cun grondius passadis e blera tensiun. Suenter che Nadal ha pers il segund set, ha el dentant anc ina giada pudì prender slantsch e distanziar Thiem.

Nadal è l'emprim giudader che gudogna 12 giadas il medem turnier da grand-slam. Tut en tut vegn il Spagnol uschia sin 18 titels da grand-slam. Per avair tants titels sco Roger Federer mancan ad el uss anc duas grondas victorias da turnier.

RR novitads 20:00