Il trenader da l’equipa naziuanala Patrick Fischer ha fatg sias ultimas nominaziuns per ils campiunadis mundials. Dals ZSC Lions èn nominads il defensur Dave Sutter ed ils attatgaders Chris Baltisberger, Fabrice Herzog e Reto Schäppi. Dal HC Lugano vegn l'attatgader Gregory Hofmann. Hofmann ha marcà da tut ils giugaders ils pli blers gols da playoff – numnadamain 14 gols.
Betg pli en squadra naziunala: Tranter ils giugaders che n'èn betg pli en la squadra naziunala tutga era il defensur dal HCD Claude-Curdin Paschoud.
Preparaziuns per il campiunadi mundial il matg en Danmarc
Ils emprims trenaments da la squadra naziunala da hockey sin glatsch è glindesdi e mardi a Turitg. Actualmain consista la squadra naziunala da 26 giugaders; quai è 3 golis, 9 defensurs e 15 attatgaders. Previs èn tenor communitgà da la federaziun Swiss Icehockey anc duas midadas; mintgamai ina tar ils defensurs e tar ils attatgaders.
RR novitads 15:00