Siglir tar il cuntegn
Inhalt

Naziunal/Internaziunal Final perfetg a Schanghai: Federer vs. Nadal

Il Svizzer ha battì l'Argentin Juan Martin del Potro en trais sets cun 3:6, 6:3 e 6:3. Uss spetga Rafael Nadal.

Purtret da Roger Federer che ha gist gudagnà e sa legra.
Legenda: Federer è en il final a Shanghai. Là gioga el cunter Rafael Nadal. Keystone

En il turnier d'ATP a Schanghai ha Roger Federer gudagnà cunter l'Argentin Juan Martin del Potro en trais sets cun 3:6, 6:3 e 6:3.

Uschia è el gist sa revantschà tar del Potro per la terrada en ill quartfinal da l'US Open avant tschintg emnas.

Grazia a questa victoria è Roger Federer gia sa qualifitgà la terza giada suenter ils onns 2010 e 2014 per il final dal ATP Masters 1000 a Schanghai.

En il final frunta Federer sin il numer 1 dal mund, il Spagnol Rafael Nadal. Lez ha battì il Croat Marin Cilic en dus sets.

I sa tracta gia dal setavel final che Federer gioga quest onn.

RR novitads 17:00