Naziunal/Internaziunal - Fin da la stagiun per Viletta
Per il skiunz grischun Sandro Viletta è la stagiun gia a fin anticipadamain. Tar sia cupitgada al super G a Val Gardena ha il campiun olimpic dal 2014 rut il liom cruschà e donnegià il meniscus dal schanugl dretg.
Viletta è vegnì transportà cun il helicopter en l’ospital da Brixen. Per il Grischun, ch’ha gia savens giu grevas blessuras, è la cursa da la cuppa mundiala a Val Gardena pir stada la segunda en quest enviern. Avant duas emnas aveva el dà ses comeback.
