Siglir tar il cuntegn
cuntegn

Naziunal/Internaziunal Fin a 1’000 blessads durant public viewing a Turin

Tar il public viewing dal final da la Champions League a Turin hai dà ina panica da massa. Ils blers dals var 1’000 blessads èn mitschads cun blessuras levas.

Dischurden e persunas sin ina plazza
Legenda: Il caos sin la plazza da Turin suenter la panica da massa. Keystone

Durant il public viewing è ina part da las radund 30’000 persunas sin ina plazza centrala a Turin tuttenina currida davent. Blers sajan cupitgads u vegnids stratgs enturn en la fulla, rapporta l’agentura da novitads Ansa. Las blessuras levas dals blers sajan cunzunt levas contusiuns e tagliadas. Pliras persunas hajan dentant blessuras pli grevas, tranter quellas era in uffant.

Raschun da la panica betg clera

Il president da la polizia da Turin a declerà ch’in ferm plum pudess avair chaschunà la panica. La gasetta “La Stampa” da Turin rapporta da barrieras dadas per terra. La panica è succedida suenter il terz gol per Real Madrid.

Ina massa da glieud sin ina plazza
Legenda: Cura ch'il public viewing a Turin funcziunava anc. Keystone

RR novitads 06:00