Siglir tar il cuntegn

Header

Navigaziun

Domenico Scala sa retira da ses post.
Legenda: Demissiun. Domenico Scala sa retira da ses post. Reuters
cuntegn

Naziunal/Internaziunal Fifa scandalusa - schefsurvegliader sa retira ord protest

Domenico Scala n’è betg pli manader la l’uschenumnada cumissiun d’audit e compliance da la Fifa.

Las refurmas tar la Fifa survegnan ina sfessa. Domenico Scala, il schef da la cumissiun da gestiun, banduna la Fifa per immediat. L’uschenumnada cumissiun d’audit e compliance è ina da pliras instanzas da controlla da la Fifa.

El ha reagì cun sia visada ad ina decisiun da la suprastanza da la Fifa. Quella è vegnida autorisada d'eleger e da relaschar per in onn las atgnas instanzas da controlla.

Jau sun consternà da questa decisiun, uschia vegn ina pitga centrala da la direcziun da la Fifa sutminada ed acquisiziuns essenzialas da las refurmas vegnan destruidas.
Autur: Domenico Scala

«Ils gremis vegnan uschia facticamain privads da lur independenza», ha scrit il manader da la cumissiun da gestiun en sia decleraziun da demissiun.

Suenter blers scandals da reputaziun perda la Fifa uschia l’architect da l’agenda da refurmas da fin qua. Per il nov president Gianni Infantino è la demissiun da Scala ina schleppa delicata – Scala aveva gia dubità la prontadad per refurmas da la Fifa sut Infantino.

RR novitads 16:00 / 18:00 / RR Sportissimo 17:00

Fifa refusa renfatschas

La Fifa ha acceptà la demissiun da Scala, ma ella refusa las renfatschas ch’el ha fatg.

«La Fifa deplorescha che signur Scala ha interpretà fauss l’intent da las decisiuns dal congress da la Fifa.»

La Fifa sa focuseschia sin il process da refurma. Mussament per quai duai esser che Fatma Samoura daventa nova secretaria generala.