Siglir tar il cuntegn
Inhalt

Festa da lutga federala 2016 Sandro Sprecher – senza squitsch a la festa federala

Quatter giadas ha Sprecher gudagnà in cranz - da far quai era ad Estavayer vegn fitg difficil.

Purtret da Sandro Sprecher da Panaduz
Legenda: Sandro Sprecher da Panaduz va senza squitsch a la lutga. mad

Anc mai n'è il lutgader da Panaduz vegnì nominà per ina festa da lutga federala. L'eveniment grond ad Estavayer è sia premiera. Sprecher po propi ir senza squitsch a la festa federala. Dad el na spetga nagin ina prestaziun extraordinaria. En emprima lingia vai per el er per far experientschas.

Anc betg uschè savens ha Sprecher pudì far la lutga en uschè in'arena, la concurrenza sin la Schwägalp è stada fin da qua il pli grond eveniment en sia carriera. El sa legra uss dad esser part da la delegaziun grischuna che va a la festa federala. Preschentar il sport da lutga en uschè ina culissa è per mintgin insatge tut spezial.