Siglir tar il cuntegn

Header

cuntegn

Festa da lutga federala 2016 Duel en l'emprima runda - metta Orlik en dies Wenger?

Per la festa da lutga federala ad Estavayer èn enconuschents ils duels da l'emprima runda. Il favurit grischun Orlik Armon frunta sin Kilian Wenger, il retg da lutga dal 2010.

Temps da las rundas da lutga

Avrir la box Serrar la box

Sonda, 27-08

  • 08:00 start runda 1 e 2
  • 13:30 start runda 3 e 4

Emprim tagl: Per radund in terz dals lutgaders è la festa federala a fin qua.

Dumengia, 28-08

  • 08:00 start runda 5 e 6
  • 13:30 start rundas finalas 7 e 8
Orlik che spetga sin il cumenzament dad in cumbat.
Legenda: Armon Orlik da Maiavilla è cun sis cranzs il meglier lutgader da la stagiun actuala. Keystone

Armon Orlik da Maiavilla è cun sis cranzs il lutgader cun il pli grond success da questa stagiun. Dapi ses pli giuven success sin la Schwägalp tutga Orlik definitiv tar ils favurits per il titel dal retg da lutga.

Cun Kilian Wenger frunta Armon Orlik sin il retg dal 2010. Quella giada era Wenger il lutgader giuven che ha mussà als pli vegls il «maister» - ina rolla che divers sa pudessan metter avant questa giada per Armon Orlik.

Il retg actual, Matthias Sempach, frunta sin il cun-favurit Christian Schuler. Las cumbinaziuns per la partenza a la festa federala da lutga ad Estavayer èn vegnidas publitgadas en gievgia avantmezdi.

RTR per Vus ad Estavayer

Avrir la box Serrar la box
Legenda: Keystone

RTR è per Vus a l’ur dal resgim e rapporta live da quest spectacul, la festa da lutga federala ad Estavayer. Reacziuns dals lutgaders datti mintgamai d’udir en ils Sportissimos da questa fin d’emna tranter las 17:06 e las 18:00 uras. Impressiuns er sin www.rtr.ch, Facebook e Twitter.

RR novitads 09:00

Artitgels legids il pli savens