Siglir tar il cuntegn
Inhalt

Naziunal/Internaziunal Ferstl gudogna super G a Val Gardena

Il skiunz tudestg Josef Ferstl gudogna nunspetgadamain il super G a Val Gardena. Per el l'emprima victoria en la cuppa mundiala. Ils Svizzers han manchentà cler il podest: Il meglier è 10avel.

Ferstl franz e mayer a l'arrivada
Legenda: Grond plaschair tar sia emprima victoria tar la cuppa mundiala tar il Tudestg Josef Ferstl (entamez) tranter ils Austriacs Max Franz (san.) e Matthias Mayer (dretg). Keystone

Il Tudestg Josef Ferstl ha gudagnà il super G dus tschientavels avant l'Austriac Max Franz ed in dieschavel avant l'Austriac Matthias Mayer.

Meglier svizzer è Beat Feuz sin plaz 10. El era partì cun il numer 1 ed ha pers temp cun in sbagl en la part entamez da la cursa. La fin aveva el pers 71 tschientavels sin il victur. Il Grischun Mauro Caviezel è vegnì 17avel (+1,56). Ils ulteriurs Svizzers Gilles Roulin, Ralph Weber e Thomas Tumler han pers passa 2 secundas.

RR novitads 14:00