Siglir tar il cuntegn
Inhalt

Naziunal/Internaziunal Ferma reacziun cunter la Norvegia

En il segund gieu dals campiunadis mundials da hockey sin glatsch a Paris ha la Svizra battì la Norvegia cun 3:0. Ils gols han sajettà Schäppi, Almond e Sutter.

giugaders da hockey sa legran suenter in gol.
Legenda: Ils giugaders Reto Schaeppi, Cody Almond, eThomas Ruefenacht (da sanester) celebreschan il segund gol per la Svizra. Keystone

Quai è stada ina ferma reacziun suenter che la Svizra aveva dà or da maun en il prim gieu in 4:0 cunter la Slovenia e gudagnà pir suenter sajettar penaltis. Il proxim adversari da la Svizra è la Frantscha.

Ulteriurs resultats

En ils auters dus gieus da la gruppa B ha la Slovenia pers cunter il Canada cun 2:7 e la Frantscha ha battì la Finnlanda cun 5:1.

En la gruppa A ha la Russia gudagnà cunter l'Italia cun 10:1 ed ils Stadis Unids han battì il Danemarc cun 7:2.

RR novitads 23.00