Siglir tar il cuntegn
cuntegn

Naziunal/Internaziunal Ferdy Kübler (97) è mort

Il ciclist legendar è mort la gievgia – quai rapporta l’agentura da novitads svizra SDA sa referind a la gasetta Schweitzer Illustrierte.

Ferdy Kübler cun in cudesch deditgà ad el – fotografà l’onn 2007 tar il Tour de Romandie.
Legenda: Ferdy Kübler cun in cudesch deditgà ad el – fotografà l’onn 2007 tar il Tour de Romandie. Keystone

Ferdy Kübler saja mort la gievgia suentermezdi las duas a chasa. El saja sa durmentà cun in surrir sin la fatscha, ha ditg sia dunna Christina Kübler envers la Schweizer Illustrierte.

L'onn 1950 era Ferdy Kübler era l’emprim victur svizzer dal Tour de France. Cun ses stil caracteristic e ses spiert da cumbat era Kübler in dals ciclists svizzers ils pli brigliants.

RR novitads 11:30

Ferdinand «Ferdy» Kübler

* 24-07-1919 a Marthalen

Carriera:

  • Il 1940 ciclist professiunal.
  • Emprima gronda victoria al Tour de Suisse 1942.
  • En l’elita mundiala cun la victoria en il Tour de France 1950.
  • Il 1951 champiun mundial sin la via.
  • 1948 enfin il 1951 ha el gudognà quatter giadas en seria ils champiunadis svizzers sin via.

+ 29-12-2016