Siglir tar il cuntegn
Inhalt

Naziunal/Internaziunal Federer senza fadia vinavant a Melbourne

Il numer 2 dal mund ha battì a moda suverana il Sloven Aljaz Bedene en 3 sets (6:3 / 6:4 / 6:3).

federer en posa da victoria
Legenda: Roger Federer ch'ha la 19avla giada gudagnà la partida d'entschatta. Keystone

Il numer 51 dal mund Aljaz Bedene n'ha chattà nagin recept encunter il numer 2 Roger Federer a l'Australian Open. Suenter 100 minutas aveva Federer gudagnà la partida senza perder in set. Per el è quai uschia la 19avla giada en roda ch'el gudogna l'emprim gieu en l'Australia.

En il segund set ha Bedene bain empruvà da controllar il gieu. Ils servis da Federer ha'l per part pudì parar. Cun puncts decisivs il gist mument ha Federer però controllà vinavant il gieu.

Roger Federer frunta en la proxima runda sin il Tudestg Jan-Lennard Struff (ATP 55).

RR novitads 11:00