Siglir tar il cuntegn
Inhalt

Naziunal/Internaziunal Federer sco numer 3 a Wimbledon

Roger Federer parta sco spetgà sco numer 3 al proxim grand slam da tennis a Wimbledon. Il giugader da 35 onns, il mument il numer 5 da la rangaziun mundiala d’ATP, profitescha ch’ils organisaturs da Wimbledon valiteschan dapli ils resultats sin pastget.

Roger Federer a Wimbledon.
Legenda: Roger Federer ha gia triumfà 7 giadas a Wimbledon, la davosa gia il 2012. Keystone

Sin l’emprim plaz da la glista da Wimbledon figurescha il defensur dal titel e l’actual numer 1 dal mund, il Scot Andy Murray avant il Serb Novak Djokovic (ATP 4). Il Spagnol Rafael Nadal (ATP 2) è classà a Wimbledon sco numer 4, uschia ch’i pudess vegnir pir en il final tar in duel tranter Federer e Nadal.

L’auter svizzer, Stan Wawrinka (ATP 3) vegniss, vai tenor pupi, sco numer 5 a Wimbledon a fruntar gia en il quartfinal sin in dals «big four».

RR novitads 14:00