Siglir tar il cuntegn
Inhalt

Naziunal/Internaziunal Federer na po betg defender ses titel

Roger Federer è crudà ora al turnier da tennis a Miami. L'Australian Thanasi Kokkinakis il ha battì en trais sets.

Legende: Audio Roger Federer croda or a Miami abspielen. Laufzeit 02:28 Minuten.
02:28 min, Sportissimo dals 25.03.2018.

Cun in 6:3, in 3:6 ed in 6:7 ha L'Australian Thanasi Kokkinakis battì il star da tennis svizzer Roger Federer. Kokkinakis, che dastga mo sa participar als gieus grazia ad ina wildcard, ha uschia eliminà il defensur da titel gia en la segunda runda. Pertge quai è gia la segunda terrada per Federer en questa stagiun. Avant in'emna aveva Federer pers il final ad Indian Wells encunter l'Argentin Juan Martin Del Porto. Quai è l'emprima giada dapi il 2014 ch'il sportist svizzer perda duas giadas en seria.

Federer sto però betg mo dar giu il titel ch'el aveva gudagnà l'onn avant, mabain croda el er enavos sin plaz dus da la glista da tennis mundiala. Ses surpiglia il Spagnol Rafael Nadal.

Nagin French Open

Suenter ses baud «out» nunspetgà ha Federer lura communitgà da desister al segund Grand Slam da l'onn, il French Open a Paris. Gia l'onn passà aveva l'um ch'ha gia gudagnà 20 giadas in titel da Grand Slam desistì a la stagiun sin la plazza da sablun.

RR novitads 06:00