Siglir tar il cuntegn
Inhalt

Naziunal/Internaziunal Federer gudogna il duel svizzer

Roger Federer stat per la prima gaida dapi il 2009 puspè en il final dal US Open. En il duel svizzer ha il numer 2 dal mund laschà nagina schanza a Stan Wawrinka.

Roger Federer e Stan Wawrinka dattan il maun suenter la partida.
Legenda: Mument istoric Anc mai n'èn ils dus svizzers sa duellads ordavant in mez-final dad in Grand Slam. Keystone

Federer battì ses cumpatriot en 3 sets cun 6:4, 6:3 e 6:1. Wawrinka ha sulet pudì tegnair pitg en il prim set, n'ha però nizzegià naginas da las 4 schanzas per in break. Federer da sia vart ha agì cun sang fraid e terminà la partida suenter in'ura e mesa cun il 10avel ass.

En il final dal Grand Slam frunta Federer uschia sin il numer 1 Novak Djokovic ch'ha battì senza problems il defensur dal titel Marin Ciclic (ATP 9) en 3 sets cun 6:0, 6:1 e 6:2.

19avel titel per Hingis

Martina Hingis ha gudagnà ses 19avel titel da Grand Slam, quai en il mixed cun ses partenari da l'India Leander Paes.

RR novitads 06:00