Siglir tar il cuntegn
Inhalt

Naziunal/Internaziunal Federer en mezfinal - grazia al service

Roger Federer ha cuntanschì il mezfinal dal turnier d’ATP-250 a Stuttgart. Il Svizzer ha battì Florian Mayer (ATP 226) da la Germania suenter in ulteriur dir cumbat cun 7:6 e 7:6.

Il giugader da tennis svizzer Roger Federer.
Legenda: Roger Federer ha cuntanschì il mezfinal a Stuttgart. Keystone

En l’emprim set n’aveva nagin dals dus giugaders pudì realisar in break. Federer è lura tuttina sa profilà cleramain cun 7:2. En il segund set ha Federer cumpensà la mancanza da breaks. Er il tiebreak ha el decis en sia favur cun 7:1.

Sonda, ils 11 da zercladur frunta il giugader da tennis svizzer sin il numer 7 dal mund, il giuven Austriac Dominic Thiem. En il quartfinal aveva lez avant battì il Russ Michail Juschni cun 3:6, 6:4 e 7:5.

RR novitads 16:00