Siglir tar il cuntegn

Header

Navigaziun

Giugader da tennis svizzer.
Legenda: En la proxima runda frunta Roger Federer sin Rafael Nadal. Keystone
cuntegn

Naziunal/Internaziunal Federer en l'otgavelfinal cunter Nadal

Il giugader svizzer ha cuntanschì la proxima runda ad Indian Wells. Là spetga il Spagnol Rafael Nadal sin Roger Federer.

Roger Federer ha cuntanschì l'otgavelfinal dal turnier da WTA en la California. Quai grazia ad ina victoria cunter l'indigen Steve Johnson (ATP 27). Uss datti ina nov'ediziun dal final dal French Open 2017 cunter il Spagnol Rafael Nadal. Dapi il 2004 n'èn ils dus rivals anc mai fruntads uschè baud in sin l'auter en in turnier. La partida è questa mesemna.

Giugadra da tennis svizra.
Legenda: Sto dar si pervi d'ina blessura: Timea Bacsinszky. SRF

Bacsinszky out

Per Timea Bacsinszky è il turnier dad Indian Wells percunter a fin. La Svizra ha stuì dar si la partida da l’otgavelfinal cunter la Tscheca Karolina Pliskova suenter ch'i steva 1:5. Quai pervia da problems cun la chanvella sanestra.

RR novitads 06:00