Federer e Wawrinka ina runda vinavant

Roger Federer e Stan Wawrinka stattan en il quartfinal dal US Open. En in gieu plain tensiun ha Federer battì l'American John Isner en 3 sets cun 7:6, 7:6 e 7:5. Wawrinka ha duvrà 4 sets per batter l'American Donald Young cun 6:4, 1:6, 6:3 e 6:4.

Roger Federer, giugader da tennis

Legenda da maletgs: Suenter in lung cumbat ha Federer pudì giubilar. Reuters

En il quartfinal frunta Wawrinka sin il sidafrican Kevin Anderson che ha battì surprendentamain il scott Andy Murray, medemamain en 4 sets.
Ils davos 4 gieus che Wawrinka ha dà cunter Anderson ha el pers tuts.

Roger Federer frunta en ses quartfinal sin il Franzos Richard Gasquet che ha battì Tomas Berdych en quatter sets.

RR novitads 06:00