Siglir tar il cuntegn
Inhalt

Naziunal/Internaziunal Federer e Wawrinka enavos en la cuppa Davis

Roger Federer e Stan Wawrinka dattan il settember per la Svizra la proxima runda da la cuppa Davis, quai encunter l’Ollanda.

Roger Federer e Stan Wawrinka
Legenda: Roger Federer e Stan Wawrinka, actualmain dus dals megliers giugaders dal mund. Keystone

Federer e Wawrinka duain procurar che la Svizra gudogna il duel cun ils Ollandais per uschia evitar che la Svizra croda or da la gruppa mundiala dals 16 megliers pajais da tennis. Questa decisiun positiva succedia ad uras per procurar per cundiziuns idealas per la preparaziun di René Stammbach, il president da Swiss Tennis.

L'emna che vegn vul Swiss Tennis communitgar nua che la partida cunter l'Ollanda ha lieu. Il termin dals 18 fin ils 20 da settember è gia enconuschent.