Siglir tar il cuntegn
Inhalt

Naziunal/Internaziunal Federer e Bencic cun victorias a Perth

Suenter Roger Federer ha era Belinda Bencic gudagnà ses emprim gieu a la cuppa Hopman a Perth en l'Australia.

Els dus sin plazza.
Legenda: Belinda Bencic e Roger Federer sin la plazza da tennis a Perth – al cumenzament dal 2017 avevan ils stars da tennis gia giugà ils gieus mixed ensemen. Keystone

Belinda Bencic ha gudagnà cunter la Giapunaisa Naomi Osaka en 2 sets cun 7:5 e 6:3. Grazia a las victorias da Bencic e Federer maina ussa la Svizra cunter il Giapun cun 2:0.

Per la buna partenza da la Svizra a la cuppa Hopman a Perth aveva procurà Roger Federer: En l’emprim gieu da gruppa cunter il Giapun ha Federer gudagnà cunter il Yui-tschi Sugita en dus sets cun 6:4 e 6:3.

A la cuppa Hopman giogan en dus gruppas mintgamai quatter equipas. Ils emprims da mintga gruppa sa qualifitgeschan per il final. En la medema gruppa sco la Svizra ed il Giapun èn ils Stadis Unids e la Russia.

RR novitads 12:00+