Il gieu da la segunda runda al turnier a Canada è stà per Federer ina partenza lucca. En be 53 minutas ha el gudagnà cunter il numer 116 dal mund, quai in di suenter ses 36avel anniversari.
En l'otgavelfinal da gievgia frunta Federer lura ubain sin il numer 17 dal mund, l'American Jack Stock u sin il spezialist a la lingia da basa, il Spagnol David Ferrer. Cunter omadus n'ha Roger Federer anc mai pers.
Era Nadal cuntanscha l'otgavelfinal
Suenter Roger Federer ha er Rafael Nadal cuntanschì l’otgavelfinal da l’ATP Masters 1000 a Montreal. Il Spagnol ha battì il Croat Borna Coric cleramain en dus sets cun 6 ad 1 e 6 a 2.
En la proxima runda frunta Nadal sin il Canadais Denis Shapovalov ch’ha battì surprendentamain l’Argentin Juan Manuel del Potro.
Sche Nadal cuntanscha il mezfinal da Montreal, daventa el suenter trais onns puspè il numer 1 dal mund.
RR novitads 20:00++