Federer cun fadia

Roger Federer ha cuntanschì cun fadia il quartfinal al turnier sin pastget da Stuttgart. Il Svizzer ha battì l'American Taylor Fritz en trais sets cun 6:4, 5:7 e 6:4.

Roger Federer en acziun

Legenda da maletgs: Ses comeback è gartegià, dentant betg uschè luc. Keystone

La partida è vegnida interrutta ier pervi da la plievgia. Lura stevi 4:3 per Federer. Per il numer 3 dal mund è quai stà il comeback suenter ina pausa da quatter emnas pervi da mal il dies. Il French Open ha Federer ditg giu pervi da quai. Il turnier da Stuttgart, che vegn quest onn giugà per l'emprima giada sin pastget, duai esser l'emprova generala per Londra, il turnier da Wimbledon.

RR novitads 15:00