Siglir tar il cuntegn

Header

Navigaziun

Dus giugaders da tennis.
Legenda: Nadal gratulescha a Federer. Keystone
cuntegn

Naziunal/Internaziunal Federer batta Nadal

Il Svizzer ha gudagnà l'otgavelfinal dad Indian Wells cunter il Spagnol cleramain en dus sets cun 6:2, 6:3.

Roger Federer ha dominà il 36avel duel cunter Rafael Nadal. Il Basilais ha gudagnà l’otgavelfinal dal turnier da tennis en la California a moda suverana. En il quartfinal frunta Federer sin l’Australian Nick Kyrgios ch’ha gudagnà surprendentamain cunter il Serb Novak Djokovic en dus sets cun 6:4, 7:6. Per il defensur dal titel è quai stà l’emprima terrada ad Indian Wells suenter 19 victorias e trais titels en seria.

Fin uss ha Roger Federer be giugà ina giada cunter Nick Kyrgios. Lezza partida a Madrid avant dus onns aveva il Svizzer gudagnà.

Giugader da tennis svizzer.
Legenda: Malgrà blers sbagls ina runda vinavant: Stan Wawrinka. Keystone

Stan Wawrinka medemamain vinavant

Er cuntanschì il quartfinal ha l'ulteriur Svizzer: Stan Wawrinka ha battì il Giapunais Yoshihito Nishioka en trais sets cun 3:6, 6:3, 7:6. Il Svizzer ha fatg passa 50 agens sbagls («unforced errors»). Wawrinka ha però er parà duas ballas da matsch en il terz set ed anc ina giada vulvì la partida. En la proxima runda frunta Stan Wawrinka sin l'Austriac Dominic Thiem.

RR novitads 06:00