Siglir tar il cuntegn

Header

Navigaziun

FC Thun encunter FCZ
Legenda: Il FC Thun ha declassà il FCZ. Keystone
cuntegn

Naziunal/Internaziunal FCZ a la cua da la tabella

Per il Club da ballape da Turitg vegn la situaziun en la Super League pli e pli precara. Il FCZ è vegnì sut las rodas a Thun ed uschia crudà sin il davos plaz da la tabella.

En la 12avla runda da campiunadi ha Turitg pers a Thun cun 1:5, quai suenter che Armando Sadiku veva anc manà en la 17avla minuta il FCZ cun 1:0 en avantatg.

FCB gudogna 3 puncts en il Vallais

Puspè pudì augmentar l’avantatg a la testa da la tabella ha il FC Basilea. L’equipa d’Urs Fischer ha gudagnà a Sion cun 2:0. Procurà per decisiun ha il giugader naziunal da l’Austria, Marc Janko, cun ses dus gols en la 5avel ed 89avla minuta.

Trumpada per il Son Gagl a Lugano

Cunter il FC Lugano na chatta Son Gagl nagin recept, e perdan cleramain cun 1:3. Entant ch’ils attatgaders da la Svizra Orientala han mussà ina prestaziun fitg flaivla, ha tar ils Luganes cunzunt Mattia Bottani persvadì. Bottani ha sajettà il 1:0, e dà il pass decisiv al 2:0.

RR novitads 18.00